البــــــارت 16
الساعه 8 ونص صباحآ
بيت فيصل
فيصل نازل من الدرج ومستعجل
ابو فيصل : فيصل
فيصل انتبه إن أبوه قاعد في الصاله : هلا يبه
ابو فيصل : أصبحنا ، وش فيك مستعجل حتى سلام ماسلمت ؟!
فيصل : أعذرني طال عمرك ماانتبهت ، وراح لعنده وحب رأسه صباح الخير
ابو فيصل : صباح النور ، وش عندك ؟
فيصل يناظر الساعه : والله ي طويل العمر متأخر شوي ع الشغل ع بال مااوصل الحين تكون الساعه 9 وربع و ع بال مااجهز الأوراق اللي احتاجها تكون الساعه 10 وقت موعد المسؤل حق مشروعنا بالكويت ولازم استعجل
ابو فيصل : دوختني بمواعيدك ، دقيق بشكل يصدع
فيصل : هههههههههههه هذا اللي مخليني رجل أعمال ناجح ، يالله تامر ع شي ي قميل
ابو فيصل : سلامتك ، أنا شوي واروح الشركه
فيصل : يحقلك ي صاحب الشركه
ابو فيصل : أقول لا تنسى اليوم خطبت أختك ملاك لإزم تكون موجود من بدري
فيصل يحط صبعه ع خشمه : ع هالخشم ، يالله مع السلامه ، وطلع بسرعه
ابو فيصل بصراخ : انتبه ع نفسك
وصل الشركه 9 ونص
فيصل يناظر بساعته : ي ليل والله متأخر ، يمر من عند السكرتيره ، دينا ورآي المكتب
دينا ع طول أخذت الملفات ودخلت من بعده
فيصل : أبي الملفات اللي احتاجها حق مشروعنا الموعد بعد نص ساعه وماعندي وقت
دينا ابتسمت : انا جهزت كل الملفات اللي تحتاجها من أمس وتحطها ع المكتب
فيصل : ي بعدي والله انتي بس لو ترضين تروحين معي أمريكا بدل كيت كان شغلي مشى من غير مااخاف عليه
دينا : هههه تسلم طال عمرك ، تامر ع شي ثاني؟
فيصل : لما يجي منصور عشان الموعد عطي ابو حسن خبر يجيني المكتب احتاجه حق الحسابات تبع المشروع لإزم نقضي كل شي اليوم
دينا : إن شاء الله ، عن أذنك وطلعت
فيصل ظل يرتب الأوراق ويراجعها ويشوف أي شي يحتاج تعديل لحد ماجى موعد الاجتماع ، ظلوا بالمكتب لساعه 12 ونص وكان يأخذون استراحه عشان ابو حسن كبير في السن وفيصل مايحب يتعبه
الساعه 1 ظهرآ
رن فون فيصل
فيصل : هلا دلع
دلع : هاااااااااي بيبي
فيصل : هايات
دلع : بالشركه؟
فيصل يتنهد : أكيد ، وانتي ؟
دلع : أكيد لا ، انا مأخذه أجازه أسبوع
فيصل : خير أسبوع زواج خواتك وانتهى
دلع : اليوم آلصباحيه وأمي مسويه غدى لهم وبتسوي سهره معتبره بعد ويبقى من الاجازه يومين عشان أريح شوية
فيصل : عز الله استفاد ابوك منك
دلع : هههههه والله الشغل مدبل ، المهم اليوم تجي تماام
فيصل : والله مااعتقد اليوم خطبت ملاك وبكره ورأي سفر
دلع : مالي شغل والله تحضر
فيصل : ماراح أوعدك بس أحاول ، ع فكره بكره انا والشله مسافرين كنت بقولك بس مايمديك لأن إجازتك بتنتهي واحنا بنظل أسبوع
دلع بقهر : آآآه يالخونه ي ناكرين الصداقه والسفر اللي بينا ، دلع بغنج أجلوها عشاني
فيصل : سبحان الله تتغيرين بثواني ، فديت اللي تدلع علي بس معليش مااقدر إحنا متفقين ومانقدر ناجل السفر بس مره ثانيه بنروح دبي ونأخذك معنا
دلع : دبي بعينك ، طفشت منها أبي أروح هوليوود
فيصل : خير وش عندك؟
دلع بحالميه : عندي أمل الاقي براد بيت وابوسه
فيصل : وبعدين
دلع بفرح : وأتصور معه واحتفظ فيها طول عمري
فيصل : ههههههههههههههههههه الحمدلله ع نعمة العقل
دلع : لا يكثر ، يالله أقلب وجهك أنا الغلطانه أضيع وقتي معاك وأقولك حلمي
فيصل : والله انا ضيعت وقتي معك ، يالله روحي اكشخي
دلع : باي حبيبي
فيصل ابتسم : باي قلبي
وبعد ربع ساعه وصلته صوره ع البي بي ، كانت دلع مصوره شكلها وراسلته تسأله وش رأيه
فيصل : ههههههه هبله هالبنت ، رد عليها : كالعاده مغطيه ع الكل فديت روحك
شركة ابو تركي
ابو تركي : البرزنتيشن اللي قدمته حق مشروعنا عجبني كثير وفكرته ممتازه وكل المسئولين عجبهم بعد وطلبوا أنك تكون مسئول عن تنفيذه
تركي : تامر أمر ، بس يبه بسافر بكره وبظل اسبوعين
ابو تركي : وش عندك ؟
تركي : صارلي كم يوم مخنوق من ضغوطات الشغل بروح مع فيصل الكويت عنده هناك مشروع وبعدها بنروح نشوف الشركه تبعه اللي بأمريكا تعرف أني اشتغل معه بس ع الأقل أغير جو
ابو تركي : اسبوعين بس ، لازم بعدها تكون موجود عشان تشوف شغلك
تركي : من عيوني أنا بشتغل عليه عن طريق النت ولما أرجع راح أخلصه بسرعه لأنه راح يكون جاهز وماراح يأخذ أكثر من شهرين بإذن لله
ابو تركي : يالله عساك ع القوه ي سندي
تركي ابتسم : ويقويك ي الغالي ، تامر ع شي ثاني
ابو تركي : سلامتك ، تقدر تتفضل
تركي : يالله مع السلامه ، وطلع
بيت فهاد
فهاد واقف قدام المرايا اللي بالصاله ويعدل شعره ويكلم جمانه ، سمع صوت خلاه يجمد بمكانه لدرجة إن فونه طاح وهو ماانتبه ولا حس عليه
ابو فهاد يكلم الشغاله : خذي شنطتي وطلعيها غرفتي أنا بروح مكتبي عندي كم شغله ابي أخلصها وبعدين بطلع غرفتي الاقيها نظيفه ومرتبه ، فاهمه
الشغاله : أوكي بابا
ابو فهاد ماشي لمكتبه انتبه ع فهاد وهو واقف ، التفت عليه وظل يناظره ربع ساعه وبعدها ناظره نظرة حقد ومشى من عنده من غير لا يعبره بكلمه
فهاد غمض عيونه بقوه ونزلت منه دمعه مسحها بقوه وكأنه بيمسح سبب نزولها ، أخذ فونه والآي باد وطلع ع طول للمركز
شركة ابو طلال
طلال يكلم آنفال : الوالد طالبني شوي وارجع إكلمك ، وقفل
طق طق طق
ابو طلال : تفضل
طلال : السلام عليكم
ابو طلال : وعليكم السلام ، تعال اقعد
طلال يقعد مقابله : أمر يبه وش بغيت ؟!!
ابو طلال : صارلك كم أسبوع وأنت مجتهد بشغلك وهالشي يفرحني أكيد ، بس انا قررت أعدل المناصب كل واحد والمنصب اللي يناسبه
طلال باستغراب : وش قصدك ؟
ابو طلال : يعني انت ماراح تكون بمنصبك بعد اليوم
طلال : أجل وين بكون ؟!
ابو طلال : انت ماتستاهل منصبك
طلال ماسك أعصابه : وشلون مااستاهله وأنت توك تقول أني مجتهد بشغلي !!
ابو طلال : انا عينتك مساعد المدير العام ، يعني شغلي وشغلك مافيه فرق وأتمنى ماتخيب ظني فيك ي طلال
طلال مو مصدق اللي يسمعه : يبه ترى مو وقت المزح إذا كنت تمزح قولي من الحين
ابو طلال : قدي انت عشان إمزح معك ، يالله أشوف فز الحين أنقل أغراضك لمكتبك الجديد
طلال راح يم أبوه يحب رآسه : ي بعدي والله ي ابو طلال فديتك ي الغالي ، ان شاء الله أكون عند حسن ظنك ، وطلع ركض يبشر آنفال وينقل أغراضه لمكتبه الجديد
نرجع حق فيصل
.... : السلام عليكم
دينا : أهلآ وعليكم السلام ، حياك
.... : انا مصممة الديكور ، عندي موعد مع الأستاذ فيصل
دينا باستغراب : إنتي مصممة الديكور؟!
.... : ايه أنا ، ليه مستغربه ؟
دينا : لا توقعتك رجال مو بنت ، ع العموم تفضلي ع بال مااعطي الأستاذ فيصل خبر
طق طق طق
فيصل : تفضلي دينا
دينا : طال عمرك مصممة الديكور وصلت
فيصل : أوكي قوليلها تدخل
دينا طلعت : تفضلي إختي
.... : مشكوره ، أدخلت بكل ثقه ، السلام عليـ.... وسكتت
فيصل منصدم : اميره ؟!!!!
اميره متفاجئه : ماتوقعت تكون انت فيصل
فيصل ابتسم : ولا انا توقعتت تكونيين مصممة الديكور ، حياك تفضلي
اميره تقعد مقابله : من وين جبت رقم شركتي؟
فيصل : أخذته من أمي
اميره باستغراب : امك !!
فيصل : ههههههه ايه أمي الجوهره صاحبة أكبر شركة في ...... ، بس ماتوقعت انك تسافرين يعني أول مره أعرف انك مشهوره لدرجة أنهم يطلبونك بكل المناطق
اميره بثقه : أي أحد يكون ناجح سمعته تنتشر ويصير مشهور وأنت أدرى ماشاءالله سمعت عنك كثير بس أبدآ ماتوقعت تكون انت يعني ..... وسكتت
فيصل ابتسم : عارف قصدك توقعتي تلاقين رجال مو تومبوي وتفاجأتي لأنك حاطه ببالك أني فيصل عند الشله وفي بارتاتي مو صاحب شركات معروف باسم فيصل
اميره : بصراحه أيه
فيصل : أوووه خذتنا السوالف ونسيت إسالك ، شنو تشربين؟
اميره : قهوه ساده لو سمحت
فيصل : مزاجك صعب ، دق ع دينا ، دينا قهوه ساده وواحد كولا بسرعه
اميره : عندك خلفيه عن مزاج إلقهوه والغريب أني سمعت انك ماتحب إلقهوه أبد
فيصل : ههههههه شكلك سمعتي عني كثير ، أممم عندي خلفيه عن القهوه من الوالد الله يطول بعمره
اميره : الله يخليه لك ، وش رايك نتكلم الحين عن شغلنا
فيصل : أكيد ، انا حاب أغير مكتبي ومكتب سكرتيرتي ومكتب الوالد وسكرتيره ومدخل الشركه ، أبي أسمع اقتراحاتك أول وبعدين نقرر
اميره عجبها أسلوبه : أوكي أنا اقتراح ع المدخل يكون اللون فاتح مو غامق عشان يفتح النفس ويغير مزاج الموظفين ويكون فيه كم قطعت أثاث ونغير طاولات الكفتيريا وندخل كم لوحة رسم ، طلعت كاتلوج من شنطتها ، وهذا كاتلوج راح أوضحلك أكثر شنو أقصد ....... وصارت تطلع كم نموذج من تصميمها وتبدي رأيها وتقترح عليه ، اتفقوا ع كل شي وانتهى الاجتماع الساعه 4 العصر
فيصل وقف ومد يده : اتشرف بتعامل معاك
اميره تسلم : الشرف لي أكيد ، ع العموم شهر ونص بالكثير يكون كل شي جاهز وأنا بين فتره والثانيه راح اشيك ع شغلهم
فيصل : تشرفينا ، بس حبيت أقولك أنا مسافر بكره وراح أرد بإذن لله بعد اسبوعين
اميره : أمريكا ؟
فيصل : أول شي الكويت وبعدين أمريكا
اميره زل لسانها : وش عندك بالكويت ، وحطت يدها ع فمها وهي متفشله ، سوري ماكنت أقصد
فيصل فقع ضحك ع شكلها : هههههههههه ، عندي مشروع هناك
اميره : الله يوفقك ، استأذن الحين مع السلامه
فيصل : بحفظ الله
اميره طلعت وظل فيصل واقف يناظر الباب بعدين حط يده ع قلبه وتنهد : ريلاكس ي قلبي ترى ماهي من نصيبي ، ضبط المكتب وأخذ بعض الملفات معه وطلع
دينا : أستاذ فيصل ....
فيصل : هلا ؟
دينا : حبيت أقولك رحلتك بكره الساعه 10 ، وأكدت حجزك في مركز الأستاذ فهاد
فيصل : تسلمين دينا ، انا طالع مكتب الوالد وبعدين بطلع ، إذا في شي ناسيته تلاقيني هناك ومشى
دينا : مستعجل ع طول ، بس لو يمديني أقوله اللي بخاطري والله يقضبني الباب وش يبي فيني هو وين وأنا وين ، ورجعت تكمل شغلها
طق طق طق
ابو فيصل : تفضل
فيصل : السلام عليكم
ابو فيصل : وعليكم السلام ي هلا ، هاه خلصت مواعيدك ؟
فيصل يقعد : ايه الحمدلله خلصتها وارتحت
ابو فيصل : يعطيك العافيه
فيصل : يعافيك يآرب ، جيتك عشان أقولك تجهز نفسك بكره رحلتنا عند الجوهره ويغمزله
ابو فيصل ابتسم : الساعه كم ؟
فيصل : 10 رحلتنا مع أني حاس 8 بتكون في السياره ههههههه
ابو فيصل : خلصت؟
فيصل : أحم آ آ آ بنقعد يوم واحد بس ونرجع اليوم الثاني لأني وعدتها أنام عندها
ابو فيصل : طيب ، يالله الحين خلني أكمل شغلي
فيصل : طرده محترمه
ابو فيصل مطنشه ويناظر الأوراق اللي معاه
فيصل : انا طالع وبرجع البيت 6 لا تنسى اليوم خطبت بنتك ، وقف عند الباب اللي مأخذ عقلك يتهنى فيه ، فتح الباب وركض وهو يناظر الباب وبوووووم مع دينا اختل توازنها وكانت بطيح فيصل مسكها من ظهرها عشان ماتطيح قدر يوازنها وطاحت الملفات اللي بيدها ، ظلت تناظر فيصل 5 ثواني وبعدين فيصل نزل يجمع الملفات
وقف فيصل وهو مبتسم : اعتذر ماانتبهت عليك وهاذي الملفات
دينا خاقه : لـ لا مو مو مشكله
فيصل : يالله أنا طالع ، أشوفك ع خير ، ومشى
دينا تناظره : ي ويل قلبي ، وضربت رأسها ، نسيت .. أستاذ فيصل وتركض أستاذ فيصل
فيصل لف عليها : هلا دينا
دينا ابتسمت : أستاذ هاذي الملفات تحتاجها لمشروعك بالكويت
فيصل يناظر الملفات عشان يتأكد منها : لا هاذي كلها أخذتها معي نسخه منها بس هذا الملف مو مهم لكن راح أخذه لضروره يمكن احتاجه
دينا : اللي تشوفه
فيصل : مشكوره دينا ، ودخل الأصنصير واشر لها بيده " بآي "
الساعه 5 وربع گا? في المركز
فيصل في مكتب فهاد : فهاد وش فيك مو ع بعضك ؟!
فهاد : مافيني شي ، ماقلتلي شنو تبي تسوي بالضبط ؟
فيصل : فهاد لا تحاول تقص علي أنا أعرفك أكثر من نفسك ، وش صاير معك ؟
فهاد : أبوي وصل اليوم وسكت
فيصل : قالك شي؟
فهاد : كالعاده تأمل ملامحي شوي وبعدها ناظرني نظرة حقد وراح عني من غير مايتكلم
فيصل : انا بجيك البيت اليوم بس بعد مايروحون الضيوف من عندنا
فهاد ابتسم : حياك الله بأي وقت
فيصل : أدري من غير ماتقول ، والحين يالله أبيك تضبطني أبي إسوي نيولوك شعر وبشره وأبي إسوي تاتو وأبي اثقب حاجبي ، ورفع حاجبه
فهاد : هههههه كل هذا وش عندك ، لا يكون الخطابين لك
فيصل خزه : هه هه هه بأيخه ولاتعيدها لأنك لو عدتها بفقع وجهك ، يالله قدامي أشوف .....
قص اطراف شعره وصبغ خصله من قدام أشقر والأطراف مدرج أزرق واخضر و عمل تاتو المؤقت شكل عقرب ع رقبته وتنظيف بشره وثقب حاجبه اليسار ... كان شكله يخقق بمعنى الكلمه
الساعه 6 ونص گا? بالبيت
جنى في المطبخ تشرف ع الضيافه
فيصل : مرحبآ ي حلو
جنى لفت : أهلــ.... ، وفتحت عيونها ، وووواااو فصول وربي شكلك يهبل
فيصل : هههههههه فديتك عيونك اللي تهبل
جنى : متى سويت كل هذا؟!
فيصل : خلصت شغلي ورحت عند فهاد وتوني جاي من عنده ، المهم ناقصكم شي ؟
جنى : لا حبيبي مو ناقصنا شي ، جوعان أحطلك أكل ؟
فيصل أخذ قطعه من المعجنات : لا أبي أوفر عازم نفسي عند فهاد ع العشى ، انا بطلع أخذ شور سريع وأبدل
جنى : أوكي
طلع فيصل أخذ شور وبدل ملابسه لبس بنطلون جينز أسود وبلوزه لونها أزرق وفيها حرف F بالأخضر وجاكيت أسود فيه إستكارات بالأخضر وشوز أسود لبس ساعه لونها أزرق وسلساله المعتاد خيط أسود وفيه خنجر صغير حيل من ذهب وفضه اللي يشوفه مايحط بباله أنه ينفتح وهو ينفتح وحاد مره هديه من أبوه ، أخذ جوالاته وطلع مر غرفة ملاك
طق طق طق
ملاك : ادخلي جنى
فيصل : ع بالك عندك فراسه مثلي
ملاك : هههههه هذا انت ، ولفت .....
فيصل : لهدرجه آخقق كل من شافني فتح فمه
ملاك : وربي تخقق وبقوه ، وتلمس شعره وحطت يدها ع التاتو ووووواو يهبل وش ذا قسم بالله لو انك ولد اتزوجك من غير مهر وخرابيط
فيصل : أقول احترمي نفسك ترى أنا أخوك مو نواف ي هبله
ملاك : يآخي انا أقول لو لو لا تقلب الموضوع جد ، رقعلي ي ابو
فيصل : ههههههههههه ملوك ترى خطبتك اليوم لو تكلمتي كذا مع نواف بيندم أنه تقدملك
ملاك تعدل نفسها : أحم أحم اسلآ أنا أم الدلع وخر عني يالله ترى الميك تبعي يخرب أووف يآربي
فيصل يصفق : برافو برافو عليك تعرفين تمثلين دور الدلع ، ينفع ينفع نغشه ههههههههههههههه
ملاك : آفااا عليك اضبط نفسي ، لحظه نسيت انتظر هنا شوي ، ودخلت غرفة الملابس وبعد 5 دقائق طلعت ، وش رايك ؟؟
كانت لابسه فستان طويل من فوق أسود ومن تحت بيج
فيصل يصفر : وووواوو خطيررررررر
ملاك تلف بالفستان : أهبل صح
فيصل : بقوه
ملاك : لحظه اقعد أبي البس الطقم وأسوي الميك اب وأبيك تشوف شكلي كيف
فيصل : ي ليل هذا كله بتسوينه وأنا قاعد عندك ، أقول أنا بروح أشوف عزيز وبعدين أرجعلك سي يو ، وطلع لغرفة عزيز
طق طق طق
عزيز كان قاعد يذاكر والكتب بكل مكان : تفضل
فيصل : السلام عليكم
عزيز مستغرب : وعليكم السلام ، هلا فيصل صاير شي ؟!
فيصل ابتسم : لا قلت أطل عليك أشوف كيف المذاكره معاك وإذا محتاج شي ؟
عزيز : لا مشكور مو محتاج شي ، والمذاكره تماام وهذا آخر كتاب وإخلص مذاكره ، يعني من الاسبوع الجاي كل اختبار بس إقرا الكتاب واختبر
فيصل : حلو حلو ، الله يوفقك ان شاء الله ، طيب بما أنه آخر كتاب وش رايك تضبط نفسك وتستقبل خطابين ملاك معاي؟
عزيز يفكر : أمممم ماأدري يمديني اكشخ مثلك ، الساعه كم بيجون ؟
فيصل يناظر الساعه : تقريبآ 8 يكونوا هنا ، يمديك تجهز نفسك بس ماراح تطلع اكشخ مني ، بعدين يمكن نخطبلك أخت العريس ويغمزله
عزيز : ههههههه ويني ووين الزواج ، أبي أكمل جامعه وأتوظف واستقر زي الناس وبعدين أفكر بالزواج
فيصل : أوب أوب هذا كله الله يعينك ، أجل انا بروح أشوف العروس وبعدين بنزل عند الوالد وأنت بعد ماتخلص روح طقطق عليها شوي ، لا تطول ، وراح غرفة ملاك ، هاه خلصتي؟
ملاك : وش رايك ؟
لابسه طقم ذهب ناعم ومسويه ميك آب نااعم وروج بني غامق
فيصل : لا راح فيها الحبيب ههههههه
ملاك : أكيد ما أنا ملوكه والاقر ع الله
فيصل : أي والله انك ملوكه المهم لا تنسين تتحصنين ، أنا نازل عند الوالد وانتي نزلي عبايتك عشان النظره
ملاك : أووووكي
الساعه 8 ونص وصلوا الضيوف ، وتم كل شي وجا وقت النظره ......
فيصل دق ع جنى
جنى : هلا فيصل
فيصل : تعالي إنتي والعروس المطبخ انتظركم ، وقفل
3 دقائق وهم في المطبخ
جنى : هاه وقت النظره ؟
عزيز : أجل ليه قلنالكم تعالوا ، نبي نشوف خششكم ونسولف معكم مثلآ!
فيصل : لا توتر العروس ي عزوز شوف كيف مرتبكه ويغمزله
عزيز : انت شفت نواف كيف مستعجل يبي يشوفها
فيصل : ع فكره ترى انت بتدخل معاهم مو أنا
ملاك بسرعه : لا لا لا أبيك انت عشان تسوي زي ماسويت حق جنى وشافت خالد من غير ماينتبه
فيصل وعزيز وجنى فقعوا ضحك عليها
ملاك زعلت : خلاص قولوله مابي أشوفه ولفت تبي تروح
فيصل مسك يدها : آفااا ملوكت قلبي زعلت ، كنا نمزح معك أنا بدخل معك ويالله البسي عبايتك قبل لا أغير رأيي
ملاك : يالله الحين البس ، ولبست بسرعه وطلعت للمجلس معاه
فيصل : انا بروح أجيب نواف ، وطلع
5 دقائق ودخلوا فيصل ونواف المجلس
نواف : السلام عليكم
ملاك رفعت رأسها وخقت على شكله مع أنها مو أول مره تشوفه بس صارلها فتره مآشافته وأول مره تشوفه بالثوب والشماغ ..
طويل وجسمه رياضي محدد العوارض وعيونه واسعه وكحيله حواجبه عريضه بس بشكل مرتب وحلو أسمراني ...
فيصل : أحم وعليكم السلام ، حياك تفضل
ملاك حست ع نفسها ونزلت رأسها
نواف : كيفك ملاك ؟
ملاك بخجل : الحمدلله
فيصل : هاذي ملوكتنا شوفها وتمعن النظر فيها وتأكد ان مافيها أي خلل عشان بعدين ماتقول غشيناك ...
نواف ابتسم : يكفي أخلاقكم وسمعتكم الطيبه وين بتروح عنكم ...
فيصل : الله يسلمك ويخليك ، هاه ملوكه شوفي نواف زين مو بعدين تقولين ماشفته
نواف : هاه شفتيني وإلا أقرب
ملاك" ماقصرت ي فيصل أوريك بعدين "
فيصل : لا لا هنا تعدينا النظره الشرعيه ، يالله قدامي أستاذ نواف تحرك
نواف : ههههههههههههههه ، قاعدين ي الحبيب
فيصل : اقول قدامي ولا يكثر ، إذا ملكة تعال وتسدح عندها بعد
نواف يوقف : خلاص سمعتي أخوك يقول إذا ملكنا أنام عندكم أبيك تكوني شهاده ع كلامه
ملاك : سلامات تنام عندنا وبيتكم ؟!
فيصل ونواف فقعوا ضحك عليها
فيصل : والحين شفت إختي ع الطبيعه ، يالله مشينا ، وطلعوا وهم يضحكون عليها
في مجلس الرجال
ابو نواف : متى ماتبون الملكه إحنا حاضرين
ابو فيصل : انا أقول نسوي الملكه بعد اسبوعين مع ملكة أختها عشان الاختبارات
ابو نواف : اللي تشوفه ، اليوم اللي تحددونه عطونا خبر نجهز أمورنا ... و اتفقوا ع كل شي يخص الزواج
الساعه 10 راحوا الضيوف
فيصل دق ع فهاد
فهاد : هلا فيصل
فيصل : شنو تبي تآكل؟
فهاد : تعال عندي يسوون لنا عشى
فيصل : لا وش دعوه الحين وقت نوم مو وقت طبخ ، قولي بس وش خاطرك فيه
فهاد : اللي تبي جيبه مافي فرق
فيصل : أوكي نص ساعه وأكون عندك ، وقفل
ابو فيصل : ع وين ؟
فيصل : عازم نفسي ع العشى
ابو فيصل : مع مين ؟
فيصل : خطيبتي هههههههه ، مع فهاد
ابو فيصل ابتسم : انتبه ع نفسك وسلملي ع خطيبتك ، وطلع غرفته
فيصل طلع برا البيت وشاف عزيز قاعد بروحه
فيصل : وش فيك قاعد هنا؟
عزيز : لا أغير جو بس ، طالع ؟!
فيصل : ايه بطلع عند فهاد ، تبي عشى ؟
عزيز : والله ي ليت ، بس طالع كذا ؟!!
فيصل ابتسم : أجل ماانت عايش بالدنيا ، قوم معي
عزيز وقف : وين ؟!
فيصل يمشي : الحقني وتعرف ، شغل سيارته الهمر ، يالله اطلع
عزيز مستغرب : كيف تسوق وأنت .... سكت
فيصل : وأنا بنت ، اطلع ي حبيبي عندي رخصة وماحد يقدر يعرفني
طلع عزيز معه ومروا ع كنتاكي أخذ فيصل الطلبات ودفع
فيصل وصل عزيز البيت : هذا لك وللبنات أكيد مااكلوا شي اقعد معهم تابعوا موفي مع بعض وتونسوا
عزيز : مشكور فيصل ، ونزل ، انتبه ع نفسك ، وصك الباب
الساعه 11 إلا ربع وصل فيصل عند فهاد
فهاد : هذا اللي نص ساعه وأكون عندك
فيصل : أخذت عزيز معي اشترينا عشى ورجعته البيت ، يعني هذا رقم قياسي
فهاد : انت متى تنتبه ع نفسك وتسوق زي الناس
فيصل يصرف : إلاكل برد ، وطلعوا جناح فهاد يأكلون ويسولفون
فهاد : أبوي قاعد بالمكتب
فيصل : غريبه صاحي بهالوقت ؟!
فهاد : ومن متى عرفنا طبعه أصلآ ، بس شكله غير هالمره
فيصل : أكيد بيكون شكله غير كم صارلك ماتشوفه
فهاد : ودي أتكلم معاه وأعرف كل شي عنه
ظلوا ساكتين ..... وبعد 10 دقائق
فيصل وقف : عندي وأنا ابو هندي
فهاد : وش اللي عندك؟!!
فيصل : قوم معي يالله بسرعه ، فهاد راح معه من غير مايتكلم
فهاد : المكتب ، وش ناوي عليه ؟!!
فيصل : يعدل شكله ويطق الباب
ابو فهاد : ماابي شي ، روحي نامي
فيصل يفتح الباب : السلام عليكم
ابو فهاد مستغرب : وعليكم السلام ، مين انت؟
فيصل ابتسم : انا فيصل نسيتني
ابو فهاد : أهلين فيصل ، ماشاءالله سمعت عنك كثير في سفراتي
فيصل مد يده وسحب فهاد اللي واقف ورا الباب
ابو فهاد عبس وجهه
فيصل : جيت عند فهاد وقالي انك هنا ، قلت واجب أسلم عليك واتحمدلك بالسلامه وهو بعد حب يسولف معك ، وسحبه معه وقعدوا مقابل ابو فهاد
ابو فهاد : انا فيني نوم ، ووقف ، عن أذنك فيصل
فيصل وقف : أذنك مو معك ي أبو فهاد
ابو فهاد : فيصل وش هالكلام
فيصل : انا صبرت وتحملت وأنا أشوفك تظلم فهاد وهو يتعذب وساكت ومتحمل منك نظراتك وأهانتك له ، أسمعني زين الحين تقعد ع كرسك وتسمع كل الكلام اللي يبي يقوله لك
ابو فهاد بعصبيه : أصغر عيالك تكلمني كذا ، وش قلة الأدب هاذي
فيصل ماسك أعصابه : انا محترم ومؤدب والحمدلله ، مثل ما فهاد محترم ومؤدب بتربيته لنفسه ، شوف ي ابو فهاد
ابو فهاد يقاطعه : لا عاد تقول ابو فهاد ، انا سلطان
فيصل : معاك حق ماتستاهل أقولك ابو فهاد ، شوف ي سلطان انت عارف ان زوجتك توفت قضاء وقدر فهاد ماله ذنب وبدل ماتربي ولدك اللي من ريحة زوجتك اللي تقول "تحبها " وشدد ع هالكلمه ، وتركته يتربى في حضن المربيات وبعدين حطيت كل اللوم عليه عشان ترتاح من عذاب الضمير
ابو فهاد وفهاد لفوا عليه بصدمه وش يقصد ب عذاب الضمير
فيصل يناظر ابو فهاد : ايه عذاب الضمير ي سلطان ، انا دوم أنبش ورا ابوك ي فهاد وأبي شي يقنعني بتصرفاته هاذي اللي أخيرآ عرفت سببها وجا الوقت اللي تعرف الحقيقه
ابو فهاد بعصبيه : انت وش تخربط
فيصل : لا لا لا ليه العصبيه ي أستاذ سلطان ، فهاد أنا انتظرت ابوك عشان يرجع من السفر والحين لازم أتكلم
فهاد : وش صاير ي فيصل ؟!!!!
فيصل : ابوك كان يدري ان امك ماتقدر تحمل لأنها مريضه وإذا حملت يكون خطر عليها ، مع ذلك قالها أنه يبي يتزوج عشان تجيبله ولد يحمل اسمه وامك ماتحملت تشوف ابوك مع وحده غيرها وحملت وهي تعرف ان هالشي خطير عليها وأبوك بدل مايحط اللوم عليه قرر يحط اللوم كله عليك انت ، وإلا انا غلطان بكلامي ي أستاذ سلطان
ابو فهاد أنهار وصار يبكي : ايه أنا اللي ذبحتها أنا السبب ..... ويبكي
فيصل : آخليكم تتفاهمون الحين وطلع
الساعه 1 ونص طلع فهاد
فيصل : وش صار؟
فهاد : فهمت كل شي أخيرآ فهمت
فيصل : ابوك بخير ؟
فهاد : ماأدري
فيصل راح المكتب ولقى ابو فهاد لسى يبكي راح حب رأسه : انا أسف ي عمي سامحني ماكانت أقصد أقلل من قيمتك أبد بس انت عالجت الموضوع بطريقه خطأ ، وأنا مستحيل أشوف فهاد يتعذب و اسكت
ابو فهاد يبي يبوس يد فيصل وفيصل سحب يده : انت ريحتني الحين ، إنا عارف أني غلطت بحقه كثير بس والله غصبن عني ، وظل يبكي
الساعه 3 فهاد وأبوه نايمين ، وفيصل أخذ مفتاح السياره وطلع
فيصل قاعد ع البحر يفكر بإللي صار قبل شوي ورن فونه
فيصل : هلا دلع
دلع : صارلي ساعه أدق ماعندك سيرفس
فيصل : ماانتبهت ع الجوال حياتي ، امري وش بغيتي؟
دلع : بس حبيت أسمع صوتك وحشتني
فيصل يتنهد : آآآه ي دلوعتي
دلع : سلامتك من الآآآآه ي قلب دلوعتك ، وش فيك فيصل ؟
فيصل : مافيني شي بس مرهق
دلع : مسافرين بكره؟
فيصل : بعد بكره مسافرين ، بكره انا والوالد نبي نسافر
دلع : فيصل انت متعب نفسك بشكل مو طبيعي يآخي أرحم روحك شغل شغل لمتى بتظل كذا
فيصل ببرود : إذا خلص الشغل
دلع بصراخ : فيصل لا ...... قفل فونه مافيه بتري
فيصل يناظر الجوال : انا مااقدر أترك كل شي ورأي كيف أترك مكانتي بكل سهوله بعد مارفعت رأس أبوي وصار يتكلم عني بالمجالس ، ع بالكم هالشي من اختياري انا أبي أعيش حياتي مثل أي أحد انا حتى زواج مااقدر اتزوج بس .... سكت ونزلت منه دمعه ومسحها ع طول ، لا ي فيصل انت ماتبكي وماتحس كيف تنزلك دموع ، أخذ نفس وزفر وقف ع حيله وركب سيارته ورجع البيت ينام كم ساعه لأن وراه سفر
الساعه 8 صباحآ
بيت فيصل الكل قاعد
فيصل نازل من الدرج : أوووه أصبحنا ، أشوف البيت كله قاعد بدري
ابو فيصل : يبون يسلمون علينا قبل مانسافر
فيصل : ترى كله يوم واحد وبنرجع ، وبعدين ليه لما أسافر ماتسوون كذا؟!!
ملاك : إذا كل ماتبي تسافر نقعد بدري ، عز الله كل يوم قعدنا الفجر
ابو فيصل : ههههههههه هذا الشغل يبيله سفر وتعب وفيصل قدها
فيصل " الله يآخذ فيصل ويرتاح "
ابو فيصل : فيصل مشينا ؟
فيصل يناظر ساعته : بدري يبه رحلتنا 10 مو 9 ، خلنا نفطر ونعين خير والساعه 9 نمشي
ابو فيصل : اخاف نتاخر
فيصل : وش اللي نتاخر يبه ، طائره خاصه يعني متى مأوصلنا نضبط أمورنا ونمشي
جنى : يبه أول مره أحس انك مستعجل ع السفر ، فيه اجتماع مهم ؟
فيصل : ههههههههههه إلا اجتماع مهم جدآ جدآ جدآ مع اميره بعد
جنى : الأميره مين ؟
ابو فيصل : وش هالكلام انت وياها
فيصل : إمزح معك مو مع أميره ، عندنا اجتماع مع مدير الفرع تبع شركتنا اللي هناك
ملاك : بس الفرع اللي هناك مو كبير عادي
فيصل : حرام نشوف حلالنا وش يصير فيه ، ويالله إنتي وياها بلا هذره زايده وجهزولنا الفطور بسرعه
راحوا جنى وملاك يساعدون الشغاله
الساعه 10 إلا ربع كانوا بالمطار